Жыхар Брэста правозіў з Украіны марыхуану ў майтках

120 грамаў марыхуаны знайшліся ў майтках жыхара Брэста, які ўязджаў у Беларусь з Украіны праз пункт пропуска "Даманава". Сайт ZAXID.NET паведамляе, што злачынца ехаў з Украіны рэйсавым аўтобусам "Чырванаград — Брэст". Памежны пункт ён прайшоў па "зялёным" калідоры. Але службовы сабака дачуў наркотыкі, і мужчыну вярнулі ў зону кантролю.

Беларус усвядомеў, што яго "папалілі", і выклаў перад памежнікамі тры поліэтыленавыя шарыкі з марыхуанай. Два з іх былі прымацаваныя скотчам да спіны, а адзін знаходзіўся ў майтках!

Распачатая крымінальная справа.