Жыхара Магілёва затрымалі за каментары пра расійскіх вайскоўцаў
У сацсетках ён падпісаны як Андрэй Сініцын / Калаж — t.me/viasna96/
Жыхара Магілёва жорстка затрымалі за каментары пра расійскіх вайскоўцаў і за падтрымку Украіны. У затрыманні ўдзельнічалі ўзброеныя сілавікі. На іх відэа (яго здымалі на фоне не толькі чырвона-зялёнага, але і расійскага сцяга) мужчына кажа, што кіруе арганізацыяй, якая вырабляе шчытавое абсталяванне.
У сацсетках ён падпісаны як Андрэй Сініцын, паведамляе "Медыязона".
У відэа сілавікі змясцілі скрыншоты "крамольных" каментароў. Сцвярджаецца, што іх пісаў затрыманы магілёвец.
