Амерыканская арганізацыя Consumer Reports пры дапамозе лекараў і навукоўцаў склала спіс з 10 папулярных харчовых дабавак, якіх бясспрэчна трэба пазбягаць.
Чапараль
Іншыя назвы: крэазотавы куст, Larrea divaricata, Larrea tridentata, larreastat.
Што абяцаюць прадаўцы: гублянне вагі, супрацьзапаленчы эфект, дапамогу пры прастудзе і інфекцыях.
Патэнцыйная шкода: праблемы з ныркамі і пашкоджанне печані.
Падбел
Іншыя назвы: маташнік, маць-мачыха, Tussilágo, Farfarae folium, foalsort.
Што абяцаюць прадаўцы: нібыта палягчае кашаль, боль у горле; лечыць ларынгіт, бранхіт і астму.
Патэнцыйная шкода: пашкоджанне печані, магчымы канцэрагенны эфект.
Жывакост
Іншыя назвы: Sýmphytum officinále.
Што абяцаюць прадаўцы: палягчае кашаль, здымае боль пры празмерных менструацыях, выпраўляе праблемы са страўнікам.
Патэнцыйная шкода: пашкоджанні печані, канцэрагенны эфект.
Дуброўнік
Іншыя назвы: дубраўнік, Téucrium chamaédrys.
Што абяцаюць прадаўцы: гублянне вагі, зніжэнне тэмпературы, лячэнне артрыту і падагры.
Патэнцыйная шкода: пашкоджанні печані, гепатыт.
Падтыннік вялікі
Іншыя назвы: чыстацел, бародаўнік, Chelidonium majus.
Што абяцаюць прадаўцы: здымае спазмы, дапамагае страваванню і жоўцеваму пухіру.
Патэнцыйная шкода: пашкоджанне печані.
Перац ап'яняльны
Іншыя назвы: кава-кава, Piper methysticum.
Што абяцаюць прадаўцы: зніжэнне трывожнасці, лячэнне бессані.
Патэнцыйная шкода: пашкоджанне печані, пагаршае хваробу Паркінсана і дэпрэсію.
Лабелія
Іншыя назвы: Lobelia inflata.
Што абяцаюць прадаўцы: дапамагае ў лячэнні астмы і іншых рэспіраторных захворванняў, палягчае адмову ад курэння.
Патэнцыйная шкода: млосць, ваніты, дыярэя, трэмар, зачастае сэрцабіцце, блытаніна свядомасці, сутаргі, гіпатэрмія, кома.
Алей мяты балотнай
Іншыя назвы: амерыканская мята, Hedeoma pulegioides, Mentha pulegium.
Што абяцаюць прадаўцы: палягчэнне праблемаў з дыханнем, лячэнне разладаў стрававання.
Патэнцыйная шкода: пячоначная і нырачная недастатковасць, пашкоджанне нерваў, сутаргі.
Уснінавая кіслата
Іншыя назвы: барадаты мох, Usnea.
Што абяцаюць прадаўцы: дапамога ў пахуданні, палягчэнне болю.
Патэнцыйная шкода: пашкоджанне печані.
Яхімбе
Іншыя назвы: Yohimbe, Pausinystalia yohimbe, Corynanthe yohimbe.
Што абяцаюць прадаўцы: нібыта лечыць імпатэнцыю і дапамагае схуднець.
Патэнцыйная шкода: павышае артэрыяльны ціск; выклікае зачастае сэрцабіцце, галаўныя болі, сутаргі, праблемы з печанню і ныркамі, праблемы з сэрцам, прыступы панікі.
Ня займайцеся самалячэннем і не эксперыментуйце з прэпаратамі — асабліва БАДамі. Давярайце ў гэтых пытаннях дактарам.
