Былы намеснік старшыні Ганцавіцкага райвыканкама асуджаны на 5 гадоў

Сёння ўступіў у законную сілу прысуд па крымінальнай справе ў дачыненні да былога намесніка старшыні Ганцавіцкага райвыканкама, паведамляе БЕЛТА.

Нягледзячы на тое, што былы чыноўнік сваю віну цалкам прызнаў і кампенсаваў прычыненую ім матэрыяльную шкоду, рашэннем суда другой інстанцыі прысуд пакінуты ў сіле. Фігурант справы асуджаны па ч.3 арт.426 (перавышэнне ўлады і службовых паўнамоцтваў), ч.2 арт.205 (таемнае выкраданне маёмасці, здзейсненае паўторна), ч.1 арт.427 (службовы падлог) Крымінальнага кодэкса.

Будучы намеснікам старшыні райвыканкама, чыноўнік курыраваў пытанні будаўнічага комплексу, дарожнага гаспадаркі і транспарту раёна. Паралельна ён будаваў дом на ўчастку ў суседнім Баранавіцкім раёне. Карыстаючыся службовым становішчам, ён неаднаразова выказваў заведама незаконныя патрабаванні кіраўнікам шэрагу прадпрыемстваў — патрабаваў бясплатна даваць яму будаўнічыя матэрыялы, паліва, транспарт.

Агульная сума нанесенай ім шкоды перавысіла 66 мільёнаў.