Дзмітрый Паўлічэнка трапіў у рэанімацыю з каранавірусам
Былы камандзір спецыяльнага атрада хуткага рэагавання (САХР) і вайсковай часці 3214 Дзмітрый Паўлічэнка больш за тыдзень правёў у рэанімацыі адной з бальніц Мінска. Як піша "Народная Воля", скандальна вядомы сілавік захварэў на каранавірус.
Дзмітрый Паўлічэнка — адзін з галоўных фігурантаў спраў пра гучныя знікненні палітычных апанентаў рэжыму Юрыя Захаранкі, Віктара Ганчара і Анатоля Красоўскага. Апошнія гады ён кіруе Беларускай асацыяцыяй ветэранаў падраздзяленняў спецыяльнага прызначэння войскаў МУС "Гонар".
Падчас масавых пратэстаў 2020 года Паўлічэнку бачылі на праўладным мітынгу, але і сярод яго блізкага кола — разам з прэс-сакратаром Лукашэнкі Наталляй Эйсмант.
