Фільм пра мігранцкі крызіс на мяжы Беларусі атрымаў спецпрыз журы ў Венецыі
![Скрыншот з фільма "Зялёная мяжа"](/sites/default/files/styles/gallery_main/public/2023-09/green1009.jpg.webp?itok=BODg8iTg)
Скрыншот з фільма "Зялёная мяжа" / Screenshot
Фільм пра мігранцкі крызіс на беларуска-польскай мяжы атрымаў спецыяльны прыз журы Венецыянскага канафестывалю. "Зялёную мяжу" зняла польская рэжысёрка Агнешка Холанд.
У фільме расказваецца гісторыя сірыйскай сям'і, якая спрабуе перайсці мяжу Беларусі і Польшчы на шляху да Швецыі. Паралельна развіваецца сюжэтная лінія актывісткі Юліі і памежніка Яна.
У "Зялёнай мяжы" зняліся беларускія акцёры — удзельнікі музычнага гурта "Разбітае сэрца пацана" Павел Гарадніцкі і Дзяніс Тарасенка. Раней яны ўваходзілі ў трупу "Беларускага свабоднага тэатра"
![Фильм о мигрантском кризисе на границе Беларуси получил спецприз жюри в Венеции](/sites/default/files/styles/default_image_paragraph/public/paragraphs/image/holland.jpg.webp?itok=Mnb93OWY)
Галоўны прыз 80-га Венецыянскага кінафестывалю — "Залатога льва" — атрымаў фільм "Бядняжкі" рэжысёра Ёргаса Ланцімаса. "Сярэбраных ільвоў" удастоеныя фільм "Зла не існуе" японскага рэжысёра Русукэ Хамагуці і італьянскі рэжысёр Матэа Гароне за фільм "Я — капітан".
Лепшай актрысай стала Кэйлі Спэні за ролю ў "Прысцыле" Сафіі Копалы. Лепшым акцёрам назвалі Піцера Сарсгаарда за ролю ў фільме "Памяць" Мішэля Франка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.