Фінальны матч ЧС па хакеі будзе судзіць беларус
Лінейнага суддзю Івана Дзядзюлю ўключылі ў міжнародную брыгаду арбітраў.
Паядынак, на якім вызначыцца сёлетні чэмпіён свету па хакеі, пачнецца сёння, 19 траўня на лёдзе стакгольмскай “Глобен-Арэны” а 21.30 паводле мінскага часу. Галоўнымі суддзямі матчу стануць расійскі рэферы Канстанцін Аленін і Антанін Ярабэк з Чэхіі. Яшчэ адным лінейным арбітрам, апроч беларуса Івана Дзядзюлі, стане Джэсі Уілмат з Канады, паведамляе БЕЛТА.
Раней беларускі суддзя адпрацаваў ужо на васьмі матчах сёлетняга чэмпіянату свету.
