Футбольная зборная Чылі ўпершыню выйграла Кубак Амерыкі (фота, відэа)
Фінальны матч прайшоў у Санцьяга. Для вызначэння пераможцы чылійцам і аргентынцам давялося прабіваць пенальці.
Зборная Чылі па футболе ўпершыню стала ўладальнікам Кубка Амерыкі. У фінальным матчы, які прайшоў у Санцьяга, была абыграна зборная Аргентыны, у складзе якой гуляў Ліянэль Месі. Асноўны і дадатковы час матча скончыўся ўнічыю 0:0, а па пенальці выйгралі чылійцы — 4:1 (у аргентынцаў пенальці рэалізаваў толькі Месі).
Раней зборная Чылі чатыры разы выходзіла ў фінал Кубка Амерыкі і заўсёды прайгравала. Аргентынцы прайгралі ў фінале ўжо 13-ы раз.
Фота: Reuters
