Хакейная зборная Швейцарыі працягвае граміць сапернікаў на чэмпіянаце свету (відэа)
На гэты раз швейцарцы нанеслі балючую паразу Славеніі — 7:1 (3:1, 3:0, 1:0).
Гэта чацвёртая запар перамога зборнай Швейцарыі на чэмпіянаце свету, які праходзіць у Швецыі і Фінляндыі.
У мінулых матчах былі выйгрышы ў Швецыі — 3:2, Канады — 3:2 (па булітах), Чэхіі — 5:2. Каманда канадца Шона Сімпсана ўпэўнена лідыруе ў сваёй групе, на яе рахунку 11 ачкоў.
Нагадаем, у зборнай Беларусі 3 ачкі пасля трох матчаў і шостае месца ў групе. Наступны матч беларусы згуляюць 10 траўня з канадцамі. Гульня са Швейцарыяй запланаваная на аўторак, 14 траўня.
