Макей пра ўніформу для амбасадараў: гэта прыгожа і элегантна

Міністр замежных справаў Беларусі Уладзімір Макей пракаментаваў увядзенне абавязковай уніформы для амбасадараў нашай краіны. Ён лічыць, што форменнае адзенне, якое ў будучыні стануць насіць дыпламаты, — гэта прыгожа і элегантна. Такую заяву Макей зрабіў сёння падчас наведвання механізаванай брыгады Паўночна-заходняга аператыўнага камандавання, куды разам з ім прыбылі замежныя амбасадары, паведамляе БЕЛТА.

Кіраўнік МУС кажа, што ўніформа для дыпламатаў існуе ў многіх краінах. Для беларускіх амбасадараў яе пашыюць у бліжэйшы час, пакуль яшчэ ідуць перамовы з канкрэтнымі вытворцамі.

Права насіць уніформу атрымаюць дыпламатычныя работнікі, якія маюць рангі Надзвычайнага і Паўнамоцнага амбасадара, Надзвычайнага і Паўнамоцнага Пасланніка першага і другога класаў.

А пакуль што беларускія дыпламаты апранутыя па-рознаму. І час ад часу не па надвор'і: