Матч БАТЭ — "Дэбрэцэн" пачнецца з хвіліны маўчання
У памяць пра аднаго з найлепшых гульцоў у гісторыі беларускага футбола Валянціна Бялькевіча, які заўчасна памёр на 42-м годзе жыцця.
ФК БАТЭ напярэдадні звярнуўся з такой просьбай ва УЕФА і знайшоў там разуменне, інфармуе прэс-служба клуба.
Нагадаем, гульня ў адказ 3-га кваліфікацыйнага раўнда Лігі чэмпіёнаў адбудзецца сёння на “Барысаў-арэне”, пачатак у 20.30. На матч прададзеныя ўсе квіткі. Тэлетрансляцыя гульні запланаваная ў жывым эфіры на тэлеканале “Беларусь-5”. У першым матчы БАТЭ прайграў венгерскаму клубу з лікам 0:1.
Букмекеры: БАТЭ пераможа “Дэбрэцэн”, але ў плэй-оф не пройдзе
Фота — fcbate.by
