Мнангагва выйграў другі тэрмін на пасадзе прэзідэнта Зімбабвэ
![Мнангагва набраў 52,6%. Што на гэта скажа Лукашэнка? / president.gov.by](/sites/default/files/styles/gallery_main/public/2023-08/zimbabve_1.jpg.webp?itok=HbchN363)
Мнангагва набраў 52,6%. Што на гэта скажа Лукашэнка? / president.gov.by
Выбарчая камісія Зімбабвэ абвясціла Эмерсана Мнангагву пераможцам на выбарах. Паведамляецца, што ён набраў 52,6% галасоў. У яго апанента Нэльсана Чамісу з Грамадзянскай кааліцыі за перамены выйшла 44%.
Апазіцыя не прызнае вынікі і кажа пра шматлікія парушэнні. Місія назіральнікаў за выбарамі Супольнасці развіцця поўдня Афрыкі (САДК) таксама незадаволеная.
— Выбары не адпавядалі патрабаванням Канстытуцыі Зімбабвэ, Закона аб выбарах, а таксама прынцыпаў і рэкамендацый САДК, якія рэгулююць дэмакратычныя выбары, — гаворыцца ў папярэдняй справаздачы САДК.
Іншыя місіі замежных назіральнікаў далучыліся да САДК і раскрытыкавалі выбарчую камісію Зімбабвэ за няздольнасць арганізаваць выбары і арышт актывістаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.