На Менцы знайшлі рыдлёўку, якой будавалі старажытны горад
![Раскоп на Менцы](/sites/default/files/styles/gallery_main/public/2024-06/8867.jpg.webp?itok=q00nz9vO)
Раскоп на Менцы / t.me/iinanb/
На Менцы знайшлі рыдлёўку, якой будавалі старажытны горад. Знойдзена і "ўнікальная па захаванасці бронзавая капавушка". Пра чарговыя знаходкі паведамляе Інстытут гісторыі НАН Беларусі.
Маштабныя археалагічныя раскопкі на рацэ Менка ў раёне вёскі Гарадзішча ў Мінскім раёне праходзяць з 2023 года. Мяркуецца, што менавіта там быў летапісны Менск. У сакавіку дырэктар Інстытута гісторыі Вадзім Лакіза заявіў, што драўніна з асновы вала гарадзішча на рацэ Менка адносіцца да Х стагоддзя.
Археолагам паставілі задачу шукаць больш звестак пра "самую раннюю гісторыю беларускай дзяржаўнасці" чыноўнікі (пра неабходнасць такіх даследаванняў у чэрвені 2022-га заявіў прэм'ер-міністр Раман Галоўчанка). І яны не падвялі. Фінансаванне даследаванняў было павялічана.
![На Менцы знайшлі рыдлёўку, якой будавалі старажытны горад](/sites/default/files/styles/default_image_paragraph/public/paragraphs/image/2233_10.jpg.webp?itok=ohqB_Hvq)
![На Менцы знайшлі рыдлёўку, якой будавалі старажытны горад](/sites/default/files/styles/default_image_paragraph/public/paragraphs/image/4455_3.jpg.webp?itok=SIAEKElk)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.