Нобелеўскі лаўрэат фізік Ферэнц Краўс аддасць прэмію ўкраінскім школам
Ферэнц Краўс / deutschland.de
Лаўрэат Нобелеўскай прэміі па фізіцы 2023 года Ферэнц Краўс аддасць атрыманыя грошы ўкраінскім школам. Пра такую заяву навукоўца паведамляе Бі-Бі-Сі, спасылаючыся на венгерскія СМІ.
Як распавядала Еўрарадыё, сёлета Нобелеўская прэмія па фізіцы была прысуджаная П'еру Агасціні, Ферэнцу Краўсу і Ан Люілье. У гэтым годзе памер прэміі складае 11 мільёнаў шведскіх крон (каля 995 тысяч долараў). Гэтая сума мае быць падзеленай паміж трыма навукоўцамі.
Краўс вырашыў ахвяраваць сваю частку прэміі міжнароднай ініцыятыве Science 4 People, якая займаецца аднаўленнем школ у Украіне.
Паводле звестак ЮНЕСКА, ва Украіне з пачатку поўнамаштабнай вайны было цалкам разбурана больш за 1300 школ.
