Оперная спявачка Маргарыта Ляўчук выйшла замуж

Оперная спявачка Маргарыта Ляўчук выйшла замуж за "самага неверагоднага мужчыну, сапраўднага украінскага героя і шыкоўнага прыгажуна". Пра гэта яна распавяла ў Instagram. Яе абранікам стаў 40-гадовы Руслан Карнійка. Вяселле адбылося у Харкаве.  Ляўчук таксама паведаміла, што чакае дзіця. 

Маргарыта Ляўчук — былая салістка Нацыянальнага тэатра оперы і балета. Падчас выбараў 2020 года яна падтрымала пратэстоўцаў і была вымушана з'ехаць з Беларусі. Разам з блогерам Андрэем Павуком стварыла сатырычны праект "Чырвоная зеляніна". В чэрвені Брэсцкі абласны суд вынес завочныя прысуды па справе Павука за яго сатырычны канал "Рудабельская паказуха". Раней гэты канал быў прызнаны "экстрэмісцкім фармаваннем". Павуку прысудзілі 12 гадоў калоніі. За ўдзел у "Рудабельскай паказусе" на тэрміны ад 6 да 8 гадоў асуджаныя і артысты, у тым ліку і Маргарыта Ляўчук. 

Апошнім часам Ляўчук праводзіць большую частку часу ва Украіне, дзе выступае з серыяй дабрачынных канцэртаў у рамках ініцыятывы "Культурны дэсант".