Шарэнда-Панасюк: “Патрэбна жорсткая эканамічная блакада рэжыму”
Паліна Шарэнда-Панасюк / RFE/RL
“Калі мы будзем пагаджацца на ўмовы тэрарыстаў, яны будуць рабіць што захочуць: маніпуляваць людзьмі там, маніпуляваць сваякамі”, — сказала Паліна Шарэнда-Панасюк падчас прэс-канферэнцыі ў Вільні 10 лютага.
Актывістка “Еўрапейскай Беларусі” вызвалілася 1 лютага пасля больш як чатырох гадох зняволення.
Еўрарадыё прыводзіць асноўнае з гэтай сустрэчы.
270 дзён у ШІЗА
“Гэта проста голае памяшканне, дзе абсалютна нічога няма. Табе выдаюць форму, на якой на спіне напісана “ШІЗА”. Форма можа быць маленькая: пінжак не зашпільваецца, спадніца — як у пэўных з нізкай маральнай адказнасцю”, — расказала былая палітзняволеная.
Паліна назвала гэты чын “тактычным ходам” і заклікала іншых вызваленых публічна абвергнуць гэтае супрацоўніцтва.
Таксама Паліна раскрыла і свой “псеўданім” — "Эдэльвейс".
Стратэгія вызвалення палітвязняў
Паліна выступіла катэгарычна супраць перамоваў з Лукашэнкам. На яе думку, для вызвалення палітзняволеных трэба працягваць ціснуць санкцыямі.
“Тое, што я выйшла, — гэта не вынік перамоваў, а менавіта тое, што даціснулі да пэўнай кропкі. Санкцыі дзейнічаюць, я гэта разумею па размовах з тымі людзьмі, якія раз'юшаныя гэтымі санкцыямі. Яны для іх вельмі балючыя. Калі мы зноў адмовімся ад санкцый, не даціснем рэжым, то гэта значыць, што будуць з'яўляцца ўсё новыя палітвязні: 10 выпусцілі, а 20 узялі за краты. Калі адменім санкцыі, рэжым зразумее, што гэта тактыка: трэба браць закладнікаў, а пасля імі гандляваць. Палітвязні стануць таварам. Лічу, што патрэбная жорсткая эканамічная блакада рэжыму. Чаму дагэтуль ідзе гандаль, транзіт праз Беларусь? Гэта, вядома, ганьба цывілізаванаму свету. Я з жахам даведалася, што да гэтага часу няма санкцый менавіта за палітвязняў. Гэтую справу трэба дарабіць”.
Пазней яна назвала рэжым “тэрарыстычным”, таму з ім не можа быць перамоваў.
