Што будзе, калі прапусціць прыём антыдэпрэсантаў? Тлумачаць медыкі

Медыкі патлумачылі, што здарыцца, калі прапусціць прыём антыдэпрэсанту ці ненаўмысна прыняць лішнюю таблетку.

— Большасць сучасных і распаўсюджаных антыдэпрэсантаў прымаюцца адзін раз на дзень. Калі вы забыліся прыняць таблетку, нічога страшнага не адбудзецца. Прайшло менш за 12 гадзін з моманту звычайнага часу прыёму — проста выпіце таблетку. Калі прайшло больш, прапусціце прыём і дачакайцеся наступнага дня альбо прыміце палову дозы.

Часам людзі нават практыкуюць так званыя "лекавыя вакацыі", свядома прапускаючы прыём прэпаратаў на працягу аднаго-двух дзён, бо антыдэпрэсанты часам змяншаюць сэксуальную актыўнасць, і гэта з'яўляецца спосабам яе вярнуць.

Пры прыёме лішняй таблеткі таксама нічога страшнага не адбудзецца. Максімальна цяжкія эфекты — невялікія прыступы млоснасці і / альбо дыскамфорт у целе. Для таго, каб атрымаць адчувальную перадазіроўку, патрабуецца выпіць не лішнюю таблетку, а цэлы пакунак адначасова, але нават у гэтым выпадку цяжка атруціцца не атрымаецца.