Сталі вядомыя падрабязнасці пра беларусаў, якіх выслалі са Швецыі ў РБ
Беларусаў са Швецыі ў Літву прывезлі ў кайданках (ілюстрацыйнае фота) / pixabay.com
Сталі вядомыя падрабязнасці пра беларусаў, якіх выслалі са Швецыі ў Беларусь, паведамляе Радыё Свабода.
Жанчына і яе сын выехалі ў Швецыю (пазней выехала і дачка) пасля таго, як муж і бацька быў затрыманы. Супраць яго распачалі крымінальную справу. Сваякі сцвярджаюць, што мужчыну асудзілі на тры гады пазбаўлення волі за "палітыку", а ў жніўні 2023-га ён памёр за кратамі. Праваабаронцы гэта не пацвярджаюць. Сям'я выехала з турыстычнымі італьянскімі візамі. У Швецыі яны падалі дакументы на палітычны прытулак. Але ім адмовілі.
Маці і сына змясцілі ў лагер, а 21 жніўня дэпартавалі ў Літву. Адправілі самалётам у кайданках. З віленскага аэрапорта беларусаў прывезлі да мяжы, дзе высадзілі ў нейтральнай зоне. Падчас праходжання мяжы на беларускім баку іх доўга дапытвалі. У выніку сына затрымалі, а маці дазволілі ехаць далей. Дакладны лёс затрыманага пакуль невядомы. Як і невядома, у чым яго абвінавачваюць. Першапачаткова ён мог знаходзіцца ў СІЗА Гродна.
Дачка павінна выехаць са Швецыі да 3 верасня.
