У Бабруйску сёння адзначаюць Дзень цвярозасці

Дзень цвярозасці адзначаюць сёння ў Бабруйску. Адпаведнае рашэнне прынялі гарадскія ўлады. Як паведамляе газета "Вечерний Бобруйск", была запланаваная забарона на рэалізацыю спіртных і слабаалкагольных напояў праз гандлёвую сетку і прадпрыемствы грамадскага харчавання.

А старшыня гарвыканкама Дзмітрый Банахоў заўважыў, што, каб дасягнуць максімальнага станоўчага эфекту, у Дзень цвярозасці варта было б зачыніць гандаль алкаголем не толькі ў крамах, але і найперш у "кропках" яго нелегальнай рэалізацыі.