У Баранавіцкім раёне ў выніку ДТЗ загінула тры чалавекі

У Баранавіцкім раёне ў выніку сутыкнення аўтамабіляў тры чалавекі загінулі, яшчэ два — атрымалі раненні. Як паведаміла БелаПАН начальнік аддзялення па агітацыі і прапагандзе Брэсцкай абласной ДАІ Наталля Сахарчук, аўтакатастрофа адбылася ўдзень 7 студзеня на 212 кіламетры аўтадарогі М-1 непадалёк ад вёскі Зорнае.  Кіроўца “Фольгсвагена-Пасата”, жыхар Бярозы, які рухаўся ў бок Мінску, не справіўся з кіраваннем. У выніку яго машына выехала на паласу сустрэчнага руху, дзе сутыкнулася з аўтамабілем “Таёта-Кемры”.  

Тры пасажыры “Фольксвагена загінулі на месцы. Кіроўцы абодвух аўтамабіляў атрымалі ўдары. За рулём “Таёты” была грамадзянка Расіі, жыхарка Масквы.