У Беларусі паболее бязлюдных вёсак
Колькасць маланаселеных (з колькасцю да 10 тысяч чалавек) раёнаў на вёсцы павялічыцца амаль удвая ў 2020 годзе.
Пра гэта сведчыць прагноз колькасці насельніцтва Навукова-даследчага эканамічнага інстытута (НДЭІ) Мінэканомікі, дадзеныя якога апублікаваныя ў снежаньскім нумары “Эканамічнага бюлетэня”, які выдаецца інстытутам.
Колькасць вясковага насельніцтва будзе асабліва хутка скарачацца на Віцебшчыне, Гомельшчыне, Гродзеншчыне і Магілеўшчыне. Палова вяскоўцаў будуць пражываць у раёнах з колькасцю насельніцтва да 20 тысяч чалавек. І толькі ў Мінскім раёне насельніцтва вырасце на 10,7% і складзе 158 тысяч чалавек. Гэта абумоўлена тым, што Мінскі раён з’яўляецца сатэлітам сталіцы.
Зніжэнне колькасці вясковага насельніцтва эканамісты тлумачаць вельмі проста: на вёсцы нізкія заробкі і мала альтэрнатываў для працаўладкавання, паведамляе БелаПАН.
