У Дзісне падчас канікул стварылі "вучнёўскую працоўную брыгаду"
"Вучнёўская працоўная брыгада" / mijory.by
У Дзісненскай школе ў Міёрскім раёне працаўладкавалі школьнікаў. Раённая газета сцвярджае, што яны падчас канікул "зарабілі грошы", а колькі, не паведамляе.
Працу дзяцей у школе арганізавала ўпраўленне па працы, занятасці і сацыяльнай абароне. Вучні 9-10 класаў правялі ў школе шэсць дзён на канікулах (працоўны дзень доўжыўся каля чатырох гадзін). Хлопцы абнаўлялі парты і крэслы ў класных кабінетах, а дзяўчаты ім дапамагалі. Таксама яны займаліся рамонтам кніг у школьнай бібліятэцы. А ўзначальваў "вучнёўскую працоўную брыгаду" кіраўнік па "ваенна-патрыятычным выхаванні".
