У Ліцэі БДУ не працягнулі кантракты дзясятку выкладчыкаў

У Ліцэі БДУ не працягнулі кантракты дзясятку выкладчыкаў, піша "Зеркало" са спасылкай на свае крыніцы. Звольненыя педагогі выкладалі, між іншым, гісторыю, беларускую мову і літаратуру, геаграфію. "Чорны спіс" з'явіўся пасля нядаўняга візіту ў навучальную ўстанову супрацоўніка КДБ. Ён размаўляў з супрацоўнікамі асабіста.

У сакавіку з'явілася неафіцыйная інфармацыя, што адміністрацыя Ліцэя БДУ з дапамогай супрацоўніка КДБ склала тры спісы "нелаяльных" супрацоўнікаў. Іх планавалася звальняць па заканчэнні кантрактаў, каб не зрываць працу навучальнай установы.

Звальненні "нелаяльных" выкладчыкаў адбываюцца ў Беларусі і ў ВНУ.