У Мінску адкрылі помнік мітрапаліту Філарэту

У Мінску 3 трэўня адкрылі помнік першаму Патрыяршаму Экзарху ўсяе Беларусі мітрапаліту Філарэту, паведамляе БЕЛТА.

Бронзавы манумент стаіць каля цэнтральнага ўваходу ў Свята-Духаў кафедральны сабор. 

Фігура мітрапаліта Філарэта бласлаўляе навакольных крыжам прападобнай Еўфрасінні Полацкай. На яго клабуку намаляваны полацкі шасціканцовы крыж, а не традыцыйны чатырохканцовы.

Помнік стварыў аўтарскі калектыў пад кіраўніцтвам скульптара Андрэя Хацяноўскага.

Мітрапаліт Філарэт узначальваў Беларускую праваслаўную царкву больш за трыццаць гадоў. У 2006 годзе ён быў узнагароджаны званнем Героя Беларусі. 

Дарэчы, помнік яму спярша планавалі адчыніць на Вялікдзень, але потым адкрыццё перанеслі на Радуніцу.