У Нацбанку распавялі пра стан золатавалютных рэзерваў Беларусі
Па выніках года золатавалютныя рэзервы Беларусі павінны скласці $7,1 млрд
У Нацбанку распавялі пра стан золатавалютных рэзерваў Беларусі. Пасля зніжэння ў лістападзе мінулага года яны зноў пачалі расці ў снежні. На 1 студзеня 2025 года ЗВР склалі амаль $8,923 млрд. Гэта на 128 мільёнаў больш, чым было на 1 снежня 2024-га.
Даныя Нацбанка сведчаць, што прырост ЗВР адбыўся за кошт павелічэння рэзервовых актываў у замежнай валюце. Цяпер яны складаюць больш за 3 млрд долараў. Такога не было з 1 траўня 2024-га.
У адпаведнасці з указам "Аб мэтавых паказчыках грашова-крэдытнай палітыкі Рэспублікі Беларусь на 2025 год“, па выніках года золатавалютныя рэзервы Беларусі павінны скласці не менш за $7,1 млрд.
