У Польшчы асуджана беларуска, якая для КДБ шпіёніла за эміграцыяй
Будынак КДБ у Мінску / Euroradio
У Польшчы асуджана беларуска, якая для КДБ шпіёніла за эміграцыяй. Жанчына пакарана 2 гадамі і 8 месяцамі пазбаўлення волі. Сцвярджаецца, што яна пайшла на супрацоўніцтва з спецыяльнымі органамі Польшчы і спадзяецца на змяншэнне тэрміну.
Справу грамадзянкі Беларусі Дар'і А. разглядаў Акруговы суд Варшавы. Паводле абвінавачання, летась яна шматразова перадавала КДБ РБ звесткі па дзейнасці, структуры і фінансаванні арганізацый, якія падтрымліваюць беларускую апазіцыю. Гэтыя звесткі ў сваіх мэтах выкарыстоўвала прапаганда рэжыму Аляксандра Лукашэнкі.
Раней у СМІ паведамлялася пра затрыманне ў Польшчы былой актывісткі "Гавары праўду" Дар'і Астапенка з Баранавічаў. Паводле некаторых звестак, у РБ яна была порнаактрысай, прапаноўвала паслугі эскорту. Мяркуецца, што гэта магло стаць яе ўразлівым бокам для вярбоўкі спецслужбамі Лукашэнкі.
