У Расію з Беларусі везлі тоны ласося пад выглядам ванільных сушак
Сушак у грузавіку мытнікі не знайшлі / t.me/customs_bel/
У Расію з Беларусі везлі тоны ласося пад выглядам ванільных сушак. Беларускія мытнікі і міліцыянты спынілі грузавік Scania каля мяжы. Паводле дакументаў кіроўцы, ён вёз у РФ сушкі. Аднак праверка паказала, што іх у грузавіку не было.
Насамрэч паўпрычэп быў загружаны 13 тонамі астуджанага ласося. Рыбу прыкрылі пустымі скрынкамі. Яе кошт складае амаль 900 тысяч рублёў (288 тысяч долараў).
Перавозчыку пагражае штраф — да 450 тысяч рублёў.
