У Віцебску да пяцігадовых дзетсадаўцаў запрасілі пракурора
Памочніца пракурора з выхаванцамі садка №58 / vitbichi.by
У віцебскім садку-яслях №58 правялі "патрыятычнае мерапрыемства", піша мясцовая газета "Витьбичи".
На сустрэчу да пяцігадовых выхаванцаў садка запрасілі памочніцу пракурора горада Вольгу Шведаву. "Яна распавяла дзецям пра важнасць захавання законаў і пра супрацоўнікаў, якія пільна за гэтым сочаць", — піша газета.
Самі дзеці, як паведамляецца, расказвалі вершы па-беларуску, спявалі і разам з выхавацелькамі выканалі танец "Васільковае неба".
