Юрфак БДУ апублікаваў новае відэа са студэнтам, які прасіў прабачэння
Студэнт зноў выбачаецца / Скрыншот з інстаграм-акаўнта юрфака БДУ
Юрфак БДУ апублікаваў новае відэа са студэнтам, які прасіў прабачэння. На гэты раз хлопца прымусілі не толькі выбачацца, але і звярнуцца да "збеглай апазіцыі" і "некампетэнтных праваабаронцаў". Ён просіць больш не турбаваць яго і яго факультэт.
Напярэдадні ў інстаграм-акаўнце юрфака БДУ з'явіўся ролік, у якім студэнт "каецца" ў распаўсюдзе звестак, якія "ачарняюць" адміністрацыю факультэта і арганізацыю БРСМ факультэта. Дагэтуль падобнае здымаў ГУБАЗіК. "Гэта трапляе пад кваліфікацыю арт. 426 КК — злачынства супраць чалавечнасці, якое здзяйсняецца прадстаўніком дзяржавы", — заявіла юрыстка Марыя Колесава-Гудзіліна.
