Журы "Еўрабачання-2017" галасуе за ўдзельнікаў другога паўфіналу
Літаральна цяпер на сцэне "Еўрабачання-2017" адбываецца генеральная рэпетыцыя другога паўфіналу, падчас якой галасуе журы. З беларускага боку гэта кампазітар Леанід Шырын, эстрадныя спевакі Аляксей Грос і Вікторыя Алешка, педагог па вакалу Людміла Куц і прадстаўніца міністэрства культуры.
Перад рэпетыцыяй да журналістаў выйшаў удзельнік Naviband Арцём Лук'яненка. Музыка распавёў пра тое, што гурт гатовы да выступу. Музыкі атрымліваюць задавальненне ад працэсу, песні і ад таго, што прасоўваюць сваю мову ў Еўропу.
11 траўня ў 22.00 стартуе паўфінал. Ацэньваць музыкаў будуць і тэлегледачы.
