Аліеў распусціў азербайджанскі парламент

Прэзідэнт Азербайджана Ільхам Аліеў распусціў парламент і прызначыў датэрміновыя парламенцкія выбары.

У прэзідэнцкім указе гаворыцца, што выбары ў Мілі Меджліс (парламент) прызначаныя на 1 верасня.

Тэрмін паўнамоцтваў парламентароў шостага склікання згодна з законам мусіць закончыцца ў 2025 годзе.

Аднак 20 чэрвеня дэпутаты кіруючай партыі "Новы Азербайджан" звярнуліся да Аліева з просьбай пра датэрміновыя выбары. Яны спаслаліся на тое, што ў краіне будуць праводзіцца важныя міжнародныя мерапрыемствы — напрыклад, 29-я сесія Канферэнцыі бакоў рамачнай канвенцыі ААН па змяненні клімату ды іншыя. За зварот прагаласавалі 105 дэпутатаў, супраць — адзін.