Амбасадар Мірончык патроліў шведаў за "літоўскага першадрукара Скарыну"
Амбасадар Беларусі ў Швецыі Дзмітрый Мірончык напісаў у Твітары пра сваю сустрэчу з дарадцай рэктара Стакгольмскага ўніверсітэта. Абмяркоўвалася супраца беларускіх і шведскіх ВНУ.
Не абышлося і без кур'ёзу. На фота бачна, як амбасадар дарыць кнігу "Шляхамі Францыска Скарыны".
"Натуральна, закранулі тэму "літоўскага першадрукара Скарыны". Шведы імгненна ўсё разумеюць, калі сказаць ім, што Ібсен — выбітны шведскі драматург", — іранічна апісаў сітуацыю дыпламат.
Выбітны нарвежскі драматург другой паловы ХІХ стагоддзя Генрык Ібсен належаў да нацыянальнай плыні, якая змагалася супраць палітычнага прыгнёту Швецыі.
Было цікава і карысна абмеркаваць супрацоўніцтва ВНУ Беларусі і Швецыі з саветнікам рэктара @Stockholm_Uni па міжнародных пытаннях. Натуральна, закранулі тэму "літоўскага першадрукара Скарыны". Шведы імгненна ўсё разумеюць, калі сказаць ім, што Ібсен - выбітны шведскі драматург pic.twitter.com/f5BzDPflYm
— Dmitry Mironchik (@DmitryMironchik) December 18, 2019
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
