Беларускіх паралімпійцаў у аэрапорце сустрэлі тортам з расійскім сцягам (фота)
![Беларускіх паралімпійцаў у аэрапорце сустрэлі тортам з расійскім сцягам (фота)](/sites/default/files/styles/gallery_main/public/2023-08/tort-2209.jpg.webp?itok=dcG7FZb8)
22 верасня ў Беларусь з Паралімпіяды ў Рыа-дэ-Жанейра вяртаецца нацыянальная зборная. У Нацыянальным аэрапорце "Мінск" для сустрэчы беларускіх паралімпійцаў падрыхтавалі торт, на якім беларускі дзяржаўны сцяг суседзіць з расійскім трыкалорам. Фотаздымак у Фэйсбуку апублікавала Настасся Храловіч.
Як вядома, расійскую зборную не дапусцілі да Паралімпіяды, западозрыўшы ва ўжыванні допінгу. На адкрыцці Паралімпіяды беларускі спартовы функцыянер Аляксей Фомачкін зрабіў дэмарш — выйшаў з расійскім сцягам. За палітычную дэманстрацыю Фомачкіна пазбавілі акрэдытацыі на Паралімпіядзе.