Чацвёра грамадзян Латвіі, якіх затрымлівалі ў Беларусі, вярнуліся на радзіму
![Грамадзяне Латвіі ехалі на фэст](/sites/default/files/styles/gallery_main/public/2024-08/333.jpg.webp?itok=RwR1Hcu5)
Грамадзяне Латвіі ехалі на фэст / tvr.by
Чацвёра грамадзян Латвіі, затрыманыя ў ліпені ў Беларусі па дарозе на фэст Viva Braslav, вярнуліся на радзіму, паведамляе тэлеканал "Беларусь 1". Маладых людзей адпусцілі, паколькі экспертызы паказалі, што ніхто з іх не ўжывае наркотыкі. Як вядома, у іх машыне знайшлі пакецік з марыхуанай, але на ім не выявілі слядоў затрыманых.
У тэлесюжэце выказваецца меркаванне, што пакецік яшчэ ў Латвіі згубіў хтосьці са знаёмых латвійцаў. Самі ж затрыманыя на відэа казалі, што яго ім не падкідвалі на мяжы.
Замежнікі толькі некалькі дзён пасля затрымання былі за кратамі, пасля ім дазволілі жыць у гасцініцы. А ў пачатку жніўня па іх справе выказаўся Аляксандр Лукашэнка, які загадаў "разабрацца". "Усе завылі: "Вось, ён усталяваў бязвізавы рэжым, каб нашых людзей арыштоўваць!" Вядома, мяне гэта турбуе", — гаварыў ён.
![Чацвёра грамадзян Латвіі, якіх затрымлівалі ў Беларусі, вярнуліся на радзіму](/sites/default/files/styles/default_image_paragraph/public/paragraphs/image/4_29.jpg.webp?itok=cXJIMZJB)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.