Дар'ю Домрачаву заўважылі на свецкай вечарыне ў Мінску
![Дар'я Домрачава](/sites/default/files/styles/gallery_main/public/2024-08/domracheva.jpg.webp?itok=PgfzcXDz)
Дар'я Домрачава / instagram.com/dadofun
Вядомая біятланістка Дар'я Домрачава і яе муж шматразовы алімпійскі чэмпіён Уле-Эйнар Б'ёрндален сталі гасцямі свята Святланы Глеб. Гэта жонка футбаліста Аляксандра Глеба і блогер. На днях у Святланы быў Дзень нараджэння. З гэтай нагоды яна зладзіла вечарыну ў стылі 90-х у мінскай рэстарацыі "Анёлы".
Сярод гасцей на фота таксама можна заўважыць футбаліста Вячаслава Глеба з жонкай бізнэсвумэн Вольгай Глеб, блогера-дыетолага Ірыну Яблонскую. Частка гасцей выбрала касцюмы ў адпаведнасці з заяўленай тэмай вечарынкі. Але вобразы Домрачавай і Б'ёрндалена былі даволі стрыманымі. Але Дар'я рызыкнула паўдзельнічаць у конкурсе — падала для яго сваё школьнае фота. Гасцям трэба было адгадаць, хто на здымку. У маленькай дзяўчынцы з букваром будучую алімпійскую чэмпіёнку пазналі даволі хутка.
![Дарью Домрачеву заметили на светской вечеринке в Минске](/sites/default/files/styles/default_image_paragraph/public/paragraphs/image/dom_2.jpg.webp?itok=O-c35A0j)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.