Эксперт: Мінск да апошняга моманту вырашаў, падпісваць ЕАЭС альбо не
Палітолаг Юрый Шаўцоў мяркуе, што канчатковы тэкст дамовы пра Еўразійскі эканамічны саюз узгадняўся бакамі ў самы апошні момант.
Юрый Шаўцоў: “Тэкст узгадняўся да апошняга моманту. Калі вы звярнулі ўвагу, то яшчэ ўчора афіцыйныя паведамленні беларускага боку былі так сфармуляваныя, што не было зразумела, падпіша Лукашэнка дамову альбо не падпіша”.
На думку Шаўцова, менавіта гэтым выклікана адсутнасць тэксту дамовы ў шырокім доступе. Паведамляецца толькі, што тэкст дамовы змешчаны на 700 старонках. Разам з тым казахстанскія СМІ валодаюць інфармацыяй аб тым, што першапачатковы варыянт дамовы, прапанаваны Масквой, змяшчаўся ажно на 2000 старонак.
Фота — Белсат
