Генпракурор пацвердзіў затрыманні ў "Белмытсервісе"
![Генпракурор пацвердзіў затрыманні ў "Белмытсервісе"](/sites/default/files/styles/gallery_main/public/2023-08/000024_1550818563_337542_big.jpg.webp?itok=hXOpMCK6)
Генеральны пракурор Аляксандр Канюк пацвердзіў затрыманні ў "Белмытсервісе". Паводле яго слоў, за краты трапілі некалькі службовых асоб. Ён не стаў удакладняць, якія пасады на прадпрыемстве яны займаюць.
"Так, былі праблемы, — цытуе словы Канюка БЕЛТА. — Мы затрымалі некалькі асоб. Трэба разбірацца... Патрэбны час, каб дэталёва ва ўсім, ва ўсёй сітуацыі разабрацца".
Пра затрыманні супрацоўнікаў "Белмытсервісу" стала вядома 19 лютага з неафіцыйных крыніц. Нібыта, сілавікі зацікавіліся і гендырэктарам кампаніі Юрыем Каралём. Ці быў ён сярод затрыманых, пакуль невядома. Партал TUT.by са спасылкай на свае крыніцы паведамляў, што праблемы ў прадпрыемства з'явіліся з-за выяўленых фактаў паставак санкцыйнай прадукцыі праз Беларусь у Расію.
![Генпракурор пацвердзіў затрыманні ў "Белмытсервісе"](/sites/default/files/paragraphs/image/0000241550819732337547big.jpg)
Аляксандр Канюк / БЕЛТА