Гурт J:MOPС выпусціў песню "Зброя"
Лідар J:MOPС Уладзімір Пугач
Гурт J:MOPС 18 красавіка выпусціў новы сінгл "Зброя". Паслухаць яго можна на папулярных стрымінгах.
Самі музыкі так фармулююць сэнс свайго твору: "Як бы ні было цяжка, якія б перашкоды ні сустракаліся на шляху, якім бы змрочным часам ні здавалася жыццё — трымайся, усміхайся, ідзі наперад разам з такімі ж, як ты. Спрабуй змяняць сябе, пакрысе мяняючы свет вакол. Гэта і ёсць наша зброя".
Дарэчы, лідар гурта Уладзімір Пугач сёння адзначае свой дзень народзінаў.
