Хакейную зборную Беларусі можа ўзначаліць Шон Сімпсан
Імя канадца як асноўнага прэтэндэнта на пасаду агучыў тэлеканал "Беларусь 1".
Асноўным кандыдатам на пасаду галоўнага трэнера зборнай Беларусі па хакеі з'яўляецца канадзец Шон Сімпсан. Да нядаўняга часу ён узначальваў яраслаўскі "Лакаматыў", аднак за нездавальняючыя вынікі каманды ў КХЛ быў звольнены. Да гэтага Сімпсан доўгі час працаваў са зборнай Швейцарыі.
Ён заменіць Уладзіміра Крыкунова, які нядаўна пакінуў пасаду галоўнага трэнера зборнай і ўзначаліў "Нафтахімік".
Як нагадвае by.tribuna.com, раней памочнік прэзідэнта па спорце Максім Рыжанкоў заявіў, што прыярытэт пры выбары галоўнага трэнера зборнай будзе аддавацца замежніку.
Фота — hclokomotiv.ru
