Хакейнае мінскае "Дынама" пабіла рэкорд па сярэдняй наведвальнасці хатніх матчаў
Хакей на "Мінск-Арэне" / t.me/olympicteamby/
Хакейнае мінскае "Дынама" пабіла рэкорд па сярэдняй наведвальнасці хатніх матчаў. Цяпер ён складае 14599 чалавек. Падлікі зрабіла "Трыбуна" пасля таго, як клубная прэс-служба паведаміла, што хатнія матчы мінчукоў у рэгулярным сезоне 2024/25 агулам наведалі 481764 заўзятары.
Калі дадаць фармальна хатні паядынак "Дынама" з маскоўскім "Спартаком" ва Узбекістане, то сярэдні паказчык складзе 14446 заўзятараў. Але ўсё роўна гэта рэкорд.
Дагэтуль дасягненне належала сезону 2012/13. Тады мінскае "Дынама" сабрала 15 аншлагаў, а сярэдняя наведвальнасць на хатніх матчах склала 14299 чалавек.
