Коля Лукашэнка адвёз у дом-інтэрнат кавуны, мёд і лаўкі
Агульны здымак у доме-інтэрнаце / БЕЛТА
Мікалай Лукашэнка наведаў дом-інтэрнат у Мінску. У паездцы яго суправаджалі прэс-сакратар Наталля Эйсмант, кіраўнік Федэрацыі хакею Дзмітрый Баскаў і тэлевядоўца Рыгор Азаронак, перадае БЕЛТА.
Пажылыя людзі атрымалі ад малодшага сына Аляксандра Лукашэнкі 2,5 тоны кавуноў і іншую сельгаспрадукцыю з Александрыі, уключаючы 570 слоічкаў мёду і варэння.
Акрамя таго, у дом-інтэрнат дастаўлена медыцынскае абсталяванне і лекі, а таксама дзесяць лавак для добраўпарадкавання тэрыторыі.
Візіцёры пілі гарбату ўпрыкуску з піражкамі і тортамі, слухалі гісторыі ветэранаў.
Усяго ў доме-інтэрнаце цяпер жыве 362 чалавекі.
