Лукашэнка папярэдзіў старшыню Гомельскага аблвыканкама
Аб няпоўнай службовай адпаведнасці. Такое распараджэнне кіраўнік дзяржавы падпісаў 5 чэрвеня.
Старшыня Гомельскага аблвыканкама Уладзімір Дворнік папярэджаны "за патуранне, дапушчаныя недахопы і пралікі ў кадравай працы, непрыманне належных мер па выкананні заканадаўства аб дзяржаўнай службе і барацьбе з карупцыяй".
БелаПАН нагадвае, што 19 траўня былі затрыманы першы намеснік старшыні аблвыканкама Віктар Банчук і намеснік старшыні Віктар Трызна. Яны абвінавачваюцца ў злоўжыванні ўладай і службовымі паўнамоцтвамі.
Уладзімір Дворнік быў прызначаны кіраўніком Гомельскай вобласці 29 снежня 2010 года.
Фота — Fotolia, gomel-region.by
