Мясніковіч: Ніякага байкоту, на хакейны чэмпіянат у Мінск прыедуць усе
15 краін-удзельніц сусветнага першынства пацвердзілі свой удзел (Беларусь — 16-я). Пра гэта 8 красавіка заявіў прэм'ер-міністр Міхаіл Мясніковіч.
"Алімпійскі, сапраўды спартыўны, прынцып перамог кан'юнктурныя і неканструктыўныя заклікі", — заявіў Мясніковіч на паседжанні Савета бяспекі.
Нагадаем, з-за таго, што ў Беларусі ёсць палітзняволеныя, у апошнія гады на Захадзе чуліся заклікі да байкоту чэмпіянату свету. Аднак усе гэтыя спробы і нават шантаж праваліўся, заявіў сёння Аляксандр Лукашэнка.
Акрамя беларускай зборнай у першынстве, якое стартуе 9 траўня, паўдзельнічаюць каманды Швецыі, Чэхіі, Канады, Славакіі, Нарвегіі, Даніі, Францыі, Італіі, Фінляндыі, Расіі, ЗША, Швейцарыі, Нямеччыны, Латвіі і Казахстана.
