На месцы "БелЭкспа" ў цэнтры Мінска пабудуюць гатэль Waldorf Astoria

На месцы былога будынка "БелЭкспа" на вуліцы Янкі Купалы пабудуюць пяцізоркавы гатэль Waldorf Astoria на 192 нумары, паведамляе Рэспубліканскі саюз турыстычных арганізацый.

Сетка гатэляў Waldorf Astoria — вядомы лакшэры-брэнд, які з'яўляецца часткай сеткі Hilton Worldwide.

У гатэлі Waldorf Astoria у цэнтры сталіцы будуць таксама некалькі рэстаранаў, начны клуб, бар, казіно і спа-зона.

Гэта будзе ўжо пяты гатэль сеткі Hilton у Беларусі. Тры з іх пабудаваныя ў Мінску, чацвёрты — у Брэсце. Waldorf Astoria стане другім пяцізоркавым гатэлем сеткі ў Беларусі і першым — такога высокага лакшэры-класа.