Стала вядома, інвестары з якіх краін хочуць будаваць майнінгавыя фермы ў РБ
Чыноўнікі мараць пра майнінгавыя фермы (ілюстрацыйнае фота) / pixabay.com
Стала вядома, інвестары з якіх краін хочуць будаваць майнінгавыя фермы ў Магілёўскай вобласці. "Ёсць пяць патэнцыйных інвестараў з Беларусі, Расіі, Кітая, якія гатовыя будаваць", — кажа ў эфіры дзяржаўнага тэлебачання старшыня Магілёўскага аблвыканкама Анатоль Ісачэнка. Паводле яго слоў адна майнінгавая ферма ўжо пабудаваная (відаць, з удзелам кітайскіх інвестараў).
"Ёсць тры пляцоўкі для будаўніцтва майнинг-ферм, дата-цэнтраў. Інвестары заяўляюцца, ім гэта цікава", — паведаміў Ісачэнка. Паводле яго слоў, у кожным выпадку аб'ём інвестыцый розны — "у залежнасці ад магутнасці".
Пра тое, што ў Магілёўскай вобласці рыхтуюць пляцоўкі для будаўніцтва майнінгавых фермаў, у пятніцу расказаў старшыня Магілёўскага аблвыканкама. Ён падкрэсліў, што Аляксандр Лукашэнка даў згоду на гэты праект.
