“Неверагодныя”: гісторыя стварэння праекта Nanny time

У лютым мінулага года Любоў Рошчына адкрыла мінскае аддзяленне дабрачыннага фонду "Клуб дабракоў". Ён аб'яднаў валанцёраў, якія дапамагаюць рабіць жыццё дзяцей з інваліднасцю крышачку шчаслівейшым.

У пачатку 2021-га каманда вырашыла паўдзельнічаць у конкурсе Social Weekend і прадставіла на ім свой праект Nanny time.

Любоў марыць знайсці і навучыць нянь, якія будуць дапамагаць бацькам даглядаць іх асаблівых дзяцей. Стваральнікі праекта хочуць, каб у такіх сем'яў была магчымасць запрасіць няню бясплатна або за мінімальную плату. Пра тое, чаму праект заваяваў Гран-пры, расказвае яго стваральніца. Дапамагае ёй мама, якая выхоўвае дзяўчынку са спінальнай мышачнай атрафіяй, Наталля Кірпічнік.

"Неверагодныя" — праграма на Еўрарадыё, у якой мы размаўляем са шчырымі, яркімі, самабытнымі беларусамі, якія не баяцца рызыкаваць у імя светлай будучыні сваёй краіны. Нашы героі — гэта людзі, упэўненыя, што барацьба за свабоду, правы чалавека, незалежнасць сёння залежыць ад кожнага з нас. Яны не саромеюцца гаварыць на вострыя тэмы, адкрыта заяўляюць пра сваю грамадзянскую пазіцыю, робяць крокі ў бок пераменаў і натхняюць на іх усіх нас.