Палітзняволеная Паліна Шарэнда-Панасюк спыніла галадоўку
Паліна Шарэнда-Панасюк / facebook.com/Andrei.Sharenda
Палітзняволеная Паліна Шарэнда-Панасюк спыніла галадоўку, паведамляюць праваабаронцы.
Яе патрабаванні пра больш прыстойныя ўмовы побытавага ўтрымання былі выкананыя. Жанчыну перавялі з рэчыцкага ІЧУ ў гомельскае СІЗА №3. Там яна будзе перабываць да суда.
Цяпер ёй зноў можна дасылаць лісты, бандэролі і грашовыя пераводы.
Раней паведамлялася, што 23 жніўня Паліна адмовілася ад ежы, пратэстуючы супраць жудасных умоваў у рэчыцкім ізалятары часовага ўтрымання.
Паліна Шарэнда-Панасюк мусіла выйсці на волю мінулым летам, але ёй прысудзілі яшчэ адзін год калоніі. У красавіку на палітзняволеную зноў пачалі справу за "злоснае непадпарадкаванне адміністрацыі калоніі".
