Палітзняволеную Вольгу Маёраву зноў будуць судзіць
Вольга Маёрава / prisoners.spring96.org
Грамадскую актывістку і палітзняволеную Вольгу Маёраву зноў будуць судзіць. Пра гэта стала вядома праваабаронцам. Судовы працэс пачнецца ў судзе Чыгуначнага раёна Гомеля 5 сакавіка. Маёраву будуць судзіць за злоснае непадпарадкаванне адміністрацыі папраўчай установы.
Цяпер Вольга знаходзіцца ў калоніі Гомеля. У кастрычніку 2022 года Гродзенскі абласны суд асудзіў яе на 20 гадоў калоніі агульнага рэжыму і штраф у 800 базавых велічынь (25 600 рублёў). У студзені з'явілася інфармацыя, што ў зняволенні ў Вольгі абвастрыліся праблемы са здароўем, у абследаванні ёй адмовілі.
