Памёр дзеяч беларускага левага руху Сяргей Калякін
![Сяргей Калякін](/sites/default/files/styles/gallery_main/public/2023-08/dsc_2583_0_0.jpg.webp?itok=O5-IsLFy)
Сяргей Калякін
Ва ўзросце 72 гадоў пасля цяжкай працяглай хваробы зранку 15 жніўня памёр дзеяч беларускага левага руху Сяргей Калякін, паведамляе "Позірк".
Калякін быў дэпутатам Вярхоўнага Савета 13-га склікання (1995-1996). Ад 1994 года ён узначальваў Беларускую партыю левых "Справядлівы свет" (да 2009 года яна называлася Партыя камуністаў беларуская).
У верасні 2023 года Вярхоўны суд ліквідаваў партыю "Справядлівы свет". У снежні таго ж года Калякін увайшоў у аргкамітэт па стварэнні марксісцкай партыі.
Палітык удзельнічаў у дзвюх прэзідэнцкіх кампаніях: у 2001-м (не сабраў 100 тысяч подпісаў) і ў 2006-м (прайграў праймерыз Аляксандру Мілінкевічу і стаў кіраўніком яго выбарчага штаба).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.