Памёр дзясяты чэмпіён свету па шахматах Барыс Спаскі
Барыс Спаскі / ТАСС
Памёр дзясяты чэмпіён свету па шахматах Барыс Спаскі. Яму было 88 гадоў.
Спаскі стаў чэмпіёнам свету ў 1969 годзе, калі абыграў яшчэ аднаго савецкага шахматыста Тыграна Петрасяна.
У 1976 годзе Барыс Спаскі эміграваў у Францыю. Ён працягваў выступаць на вышэйшым узроўні да канца 1980-х гадоў.
У 2012 годзе Спаскі вярнуўся ў Расію. Ён быў найстарэйшым сярод жывых чэмпіёнаў свету па шахматах.
